💝 KĀSH GUMBAD-e-KHAZRĀ DAIKHNAI KO MIL JĀTĀ 💝

___________________________________

Dāgh-e-Furqat-e-Taibā Qalb-e-Muzmahil Jātā
Kāsh Gumbad-e-Khazrā Daikhnai Ko Mil Jātā

Maira Dam Nikal Jātā Unn Kai Āstānai Par
Unn Kai Āstānai Kī Khāk Mai Mil Jātā

Mairai Dil Sai Dhul Jātā Dāgh-e-Furqat-e-Taibā
Taibā Mai Fanā Ho Kar Taibā Mai Hī Mil Jātā

Maut Lai Kai Ā Jātī Zindagī Madīne MaiN
Maut Sai Galay Mil Kar Zindagī MaiN Mil Jātā

Khuld Zār-e-Taibā Ka Iss Tarah Safar Hotā
Pīchay Pīchay Sar Jātā Āgai Āgai Dil Jātā

Dil Pai Jab Kiran Parrtī Unn Kai Sabz Gumbad Kī
Uss Kī Sabz Rungat Sai Bāgh Ban Kai Khil Jātā

Furqat-e-Madīnā Nai Woh Diye Mujhai Sadmai
Kouh Par Agar Parrtai Kouh Bhī Tou Hil Jātā

Dil Mairā Bichā Hota Unn Kī Reh GuzārouN Mai
Unn Kai Naqsh-e-Pā Sai YūN Mil Kai Mustaqill Jātā

Dil Pai Woh Qadam Rakhtai Naqsh-e-Pā Yai Dil Bantā
Yā Tou Khāk-e-Pā Ban Kar Pā Sai Muttasil Jātā

Woh Khirām Farmātai Mairai Dīdah-o-Dil Par
Dīdah Mai Fidā Karta Sadqai Mairā Dil Jātā

Chashm-e-Tar WahaN Behtī Dil Ka Mudda'ā Kehtī

⚡ WAJH-e-NISHĀT-e-ZINDAGĪ RĀHAT-e-JĀN TUM HĪ TOU HO ⚡

___________________________________

Wajh-e-Nishāt-e-Zindagī Rāhat-e-JāN Tum Hī Tou Ho
Rūh-e-Rawān-e-Zindagī Jān-e-JahāN Tum Hī Tou Ho

Tum Jo Na Thai Tou Kuch Na Thā Tum Jo Na Ho Tou Kuch Na Ho
Jān-e-JahāN Tum Hī Tou Ho Jān-e-Janān Tum Hī Tou Ho

Tāj-e-Waqār-e-KhākiyāN Nāzish-e-Arsh-o-ArshiyāN
Fakhr-e-Zamīn-o-ĀsmāN Fakhr-e-Zamān Tum Hī Tou Ho

Kis Sai KarūN Bayān-e-Gham Koun Sunai Fughān-e-Gham
PāouN KahāN Amān-e-Gham Amn-o-Amān Tum Hī Tou Ho

Rūh-e-Rawān-e-Zindagī Tāb-o-Tawān-e-Zindagī
Amn-o-Amān-e-Zindagī Shāh-e-ShahāN Tum Hī Tou Ho

Tum Hu Chirāgh-e-Zindagī Tum Ho JahāN Kī Roushnī
Mehr-o-Māh-o-Nujūm Mai Jalwah KināN Tum Hī Tou Ho

Tum Sai Jahān-e-Rang-o-Bū Tum Ho Chaman Kī Ābrū
Jān-e-Bahār-e-GulsitāN Sarw-e-Chamān Tum Hī Tou Ho

❇️ MUSTAFĀ'AI ZĀT-e-YAKTĀ ĀP HAIN ❇️

___________________________________

Mustafā’ai Zāt-e-Yaktā Āp HaiN
Yak Nai Jis Ko Yak Banāyā Āp HaiN

Āp Jaisā Koī Ho Saktā Nahī
Apnī Har Khūbī Mai Tanhā Āp HaiN

Āb-o-Gil Mai Nūr Kī Pehlī Kiran
Jān-e-Ādam Jān-e-Hawwā Āp HaiN

Husn-e-Awwal Kī Namūd-e-AwwalīN
Bazm-e-Ākhir Ka Ujālā Āp HaiN

Lā Makān Tak Jis Kī Phaili Roushnī
Woh Chirāgh-e-Ālam-e-Āra Āp HaiN

Hai Nimak Jis Ka Khamīr Husn Mai
Woh Malīh-e-Husn Āra Āp HaiN

Zaib-o-Zain-e-Khāk u Fakhr-e-KhākiyāN
Zīnat-e-Arsh-e-Mu'allā Āp HaiN

Nāzish-e-Arsh u Waqār-e-Arshiyān
Sāhib-e-Qausain-o-Adnā Āp HaiN

Āp Kī Tal'at Khūdā Ka Āinā
Jis Mai Chamkai HAQQ Ka Jalwa Āp HaiN

Āp Kī Rūyat Hai Dīdār-e-Khūdā
Jalwoh Gah-e-HAQQ Ta'ala Āp HaiN

Āp Ko Rabb Nai Kiyā Apnā Habīb
Sāri Khalqat Kā Khulāsā Āp HaiN

Āp Kī Khātir Banā'ai Dou JahāN
Apnī Khātir Jo Banāyā Āp HaiN

JāN Tuī JānāN Qarār-e-Jān Tuī
Jān-e-JāN; Jān-e-Masīhā Āp HaiN

✴️ JAHĀN BĀNI ATĀ KAR DAIN ✴️

___________________________________

JahāN Bāni Atā Kar DaiN Bhari Jannat Hibā Kar DaiN
Nabī Mukhtār-e-Kul HaiN Jis Ko Jo ChāHaiN Atā Kar DaiN

Jahān Mai Unki Chalti Hai Woh Dam Mai Kyā Sai Kyā Kar DaiN
ZamīN Ko Āsmān Kar DaiN Surayyā Ko Sarā Kar DaiN

Fizā Mai Urrnai Wālai YuN Na Itrā'aiN Nidā Kar DaiN
Woh Jab ChāHaiN Jisai ChāHaiN Ussai FarmāN Rawā Kar DaiN

Mairī Mushkil Ko YūN ĀsāN Mairai Mushkil Kushā Kar DaiN
Har Ik Mouj-e-Balā Ko Mairai Mowlā Na Khūdā Kar DaiN

Munawwar Mairī ĀnkhuN Ko Mairai Shamsud-Dhuhā Kar DaiN
GhamouN Kī Dhūp Mai Woh Sāya-e-Zulf-e-Dutā Kar DaiN

Atā Hu Bai Khūdī Mujh Ko Khūdi Mairī Hawā Kar DaiN
Mujhai YūN Apnī Ulfat Mai Mairai Mowlā Fanā Kar DaiN

JahāN Mai Ām Paighām-e-Shahai Ahmad Razā Kar DaiN
Palat Kar Pīchai DaikHaiN Phir Sai Tajdīd-e-Wafā Kar DaiN

Nabī Sai Jo Ho Baigānā Ussai Dil Sai Judā Kar DaiN
Pidar, Mādar, Birādar, Māl u Jān Unn Par Fidā Kar DaiN

Tabassum Sai Gumān Ghuzrāi Shab-e-Tārīk Par Din Kā
Ziyā-e-Rukh Sai Dīwāroun Ko Roushan Āinā Kar DaiN

Kisī Ko Woh Hansātai HaiN Kisi Ko Woh Rulātai HaiN
Woh YūNhi Āzmātai HaiN Woh Ab Tou Faislā Kar DaiN

Gil-e-Taibā Mai Mil JāouN GulouN Mai Mil Kai Khil JāouN

🕋 QASĪDATUN FIL HAMD WA MADH-e-NABĪ ﷺ 🕋

___________________________________

Allah Allah Allahu
Māli Rabbun Illā Hū

Yafnal Kullu Wa Yabqā Hū
Laisal Bāqi Illā Hū

Man Kāna Du’āhu An'yāhū
Zāka Hamīdun Uqbāhu

Man Kāna Li Rabbī Dunyāhu
Āsha Sa’īdan Ukhrāhu

Man Kunta Ilāhī Mawlāhu
Kullun' Nāsi Tawallāhu

Mam' Māta Yaqūlu Allahu
Zākal Khālidu Mahyāhu

Rasūlullahi Talaqqāhu
Abshir Abdu Bi Husnāhu

Ar'Ridwānu Lahu Nuzulun
Jannatu Khuldim-Ma'Wāhu

Takhshan Nāsa Bilā Jadwā
Hallā Rabbaka Takhshāhu

Ibghil Amna Ladā Rabbī
Innal Amna Bi Taqwāhu

Tansā Rabbaka Yā Fānī
Dum In Shi'ta Bizikrāhu

Tarjun' Nāsa Lijadwāhum
Innal Jadwā Jadwāhu

Hal Ghairaka Yakhshā Rabbīyun
Ghairuka Rabbī Yakhshāhu

Rabbī Rabbul' Arbābi
Laysa Yudāhā Hāshāhu

Fasiwāhu Rabbum Bil Ismi
Wa Ilāhul Haqqi Yar’āhu